我是結他手‧音樂論壇 - Powered by Discuz!
設為首頁收藏本站關於我們廣告查詢試試手氣搶沙發最新发表:

我是結他手‧音樂論壇

 找回密碼
 立即註冊

QQ登錄

只需一步,快速開始

快捷導航
0 892

會員投稿:她就教曉我彈四個Chord (C, AM, DM, G7) (By Anna)

我為什麼要學結他?

我有六兄弟姊妹, 家中排行最小, 由於他們年紀與我相差大, 感覺有多位”爸媽”關心, 因我在小學時已得大哥教授小提琴, 記得當時七歲左右, 根本不懂得珍惜學習樂器之機會, 雖然阿哥不是大師級, 但都讓我學到拉到幾支歌仔 (雖然不太好聽)

其實回想起當時, 真的無興趣跟大哥學習, 亦談不上欣賞, 只是覺得練琴是一件苦事, 常借故偷懶, 什至唔想見到阿哥, 記起有一次因練琴問題而向阿哥發脾氣, 大膽地把琴掉下地上, 結果, 小提琴的上部份打斷了. 當時我表現得好開心, 因以後可以唔駛再練琴啦…..

依家回想起年少時的衝動, 任性及無知, 真是不禁覺得自己好傻, 幾多人恨不得有人免費教授, 我為何現在想學結他是因為在幾年前, 認識了一位彈結他的朋友, 他懂得彈多首流行歌曲, 仲要自彈自唱, 於是除了欣賞他的才華外, 亦希望自己一朝天亦好似他一樣, 可以輕鬆地自彈自唱喜歡的歌, 另一個原因就係人大左, 知道時間光陰的可貴, 唔想好似以前咁再錯失機會, 終於同另一位朋友一起走到琴行選購結他,

由於初學買了一個值五百多元的, 加上我的手指亦按到弦的(間距較窄的, 當時的感覺仲開心過買衫, 哈!

加上, 心裡期待可以好快開始學彈歌仔啦, 幸好, 陪我選結他的朋友亦懂彈結他, 她就教曉我彈四個Chord (C, AM, DM, G7), 初初以為好易, 誰不知難轉, 彈得好慢….左右手像失控一樣….唔知自己做緊咩….又按到手指好痛, 後來經苦練後, 終可彈到” Today”

依家起碼唔駛再邊看邊彈, 一按就得啦….但有時按G7都唔係太好…...看人彈真係以為不太難, 但當自己彈時先發現原來唔簡單, 不過懂彈結他的人都係講同一番說話: 沒有什麼秘訣, 只是要勤力苦練就成了……現在, 我就學緊看諳彈Solo, 希望可以同朋友夾下歌, 真係好好聽, 好開心! 我苦練緊” Gonna Gonna , 我彈Solo, 朋友彈chord, 彈到後覺的好有滿足感…..正呀!



現在, 因有個同事都懂結他, 我地有時亦會放工後在公司彈, 既可練習交流, 亦可舒緩下日間工作緊張的情緒, 真係一舉兩得, 最近比另一位朋友指導我的指法手勢, 我要一改以往的, 而家正勤力地修正, 但過程是苦悶的…..以後我要克服按其他Chord (F, G, Bar) 因好多歌都有, 我諗我唔可以再避啦….!

結他除了輕易拿之外, 亦有好悅耳的音色, 變化亦可以好多, 此外, 最重要是可認識到更多有共同嗜好的好朋友!

(By Anna)

共 0 个关于 會員投稿:她就教曉我彈四個Chord (C, AM, DM, G7) (By ... 的回复

您需要登錄後才可以回帖 登錄 | 立即註冊

本版積分規則

看到了嗎?您的廣告將會在這裡無限次顯示,購買此處人流旺的廣告位,無限點擊。[廣告詳情...]
Details...
Loading...
快速回復 返回頂部 返回列表