我是結他手‧音樂論壇 - Powered by Discuz!
設為首頁收藏本站關於我們廣告查詢試試手氣搶沙發最新发表:

我是結他手‧音樂論壇

 找回密碼
 立即註冊

QQ登錄

只需一步,快速開始

快捷導航
0 1697

會員投稿:我彈吉他到已經有12年了(By 阿釘)

我的學結他故事 From:阿釘

我彈吉他由中3尾開始, 到現在已經有12年了~

最初接觸的吉他, 係由我家姐o係中學同學借來的古典魚絲吉他。
當然對我來講, 係未有任何特別既感覺既, 我o個時係中3。
我本身屋企已經有個鋼琴. (P.S.我只有小學不懂性既時候學過下)
不過屋企都係無人彈, 個個都係曾經3分鐘熱度過~
但老豆都有鋪癮會播下D吉他古典野, 民歌咁
我雖然無諗過有一日會有興趣會找來彈,
但我其實有部份已經聽得好熟, 雖然我對吉他全無認識。

當然係我見到支吉他既同時, 就問中學爸打有無人識彈啦~
原來其中同班之中一個叫阿釗既朋友係識既。
佢一直有自己玩beyond既歌, 當然我地時代係「霆鋒」年代
我當然有聽過beyond. 但我只係一直都係覺得:「唔, 幾好聽wor」
唔知solo是什麼既普通人。

阿釗得知我有左一支吉他, 佢就來我屋企上左第一堂既吉他堂
包括: 吉他簡介, 吉他調音認識, 右手p.i.m.a 擺位, 同萬能chord C.Am.Dm.G7 「朋友」
佢問我想彈勾弦, 定掃chord。我就選擇左勾弦。
我最初認識左吉他, 都有晚晚自己搵來彈下, 練下。
佢好快就來上第二堂, 佢發現我都有繼續玩就再俾d野我試。
無錯...o係得香港玩吉他點會唔玩既beyond系列,
霆鋒之類, 但佢係好憎霆鋒既雖然。
但我確實係對band歌完全零慨念, 所以都提不起勁~
我同佢講我想玩一D自己一個人就可以玩既吉他歌。
佢就教左我一首到我E+彈都重有FEEL既歌「溫暖的詩句」

我無幾耐就開始自己找一D想彈既吉他譜來彈。
好彩, 我既年代...電腦雖然係46K既電話線上網年代
但已經有左GUITARPRO 2.0 同[url]www.GUITARYOU.COM
確實另我睇到左另一個吉他既世界
我不停不停咁下載一D我未聽過既歌
直到一首歌我感覺到...係佢啦~「ROMANCE DE AMOR」
當然...o係o個時對於一個吉他初學者來講, 有bar chord既歌其實已經可以放棄。




但我就係細細個已經係屋企都成日無程程會聽到既一首歌,
我就日日不停彈不停彈, 不停按bar chord.
終於略有小成咁練成左, 但係就另我對吉他產生了更多的滿足感同飢餓感。
我屋企見到我真係想玩吉他, 就鼓勵咁買左第一支鋼線既吉他俾我。
當然(對結他)無認識既我只係睇款啦, 3,4舊水。
番到去彈先知原來鋼線d線係咁硬, bar chord時超痛。
我自己當磨練啦, 最後阿釗上到屋企佢就發現支野個琴線位太高, 唔貼吉他面。
先會咁難彈, 我就諗無所謂, 努力就克服到~

我阿媽就係附近屋村到搵到一間小型琴行, 俾我去進修一下技術。
我就正式有我第一個吉他阿sir, 胡so佬 (40歲到肥佬一名)
佢聽左我彈一首romance d amor就收左我民謠吉他中班。
我就不停接觸到一d可以練到手指靈活同把位移動既古典學習曲~
通常都係叫~「 STUDY C MAJ CANON」咁既歌
雖然唔係我自己想玩但對於我提升水平有一定既幫助~
佢無幾耐就俾D經典野我「YESTERDAY」「綠油子」一類既歌俾我。






都係o個句, 雖不喜歡, 卻不討厭。
但胡so佬教左我一樣對我日後彈吉他好有幫助既技巧「彈音時候既先後」
當雙音同時彈既時候, 個高音要等第一個音出現左先好彈。
令到左我第一次感受到吉他既「味道」。

當佢教到輪指既時候我就到左吉他手常見既樽頸位,
我就同胡so sir講, 我想轉玩電吉他試下,
之後我就開始接觸了覺得一樣又完全唔同既野。
點解多左咁多野, 又要音箱先有聲, 又要用pick。
我係一個好鍾意用手指多過用pick既人。
比例係9.9 : 0.1。p.s.(到依加都重係咁)


我又開始beyond了, 不同既係我認識了吉他了~
我開始又搵來聽, 彈我既第一次intro solo. 「真的愛你」
bend的感覺俾起slide更難掌握, 玩pick既手又唔受控制~
再加埋胡so sir既古怪歌更令人洩氣, 無幾耐我就無搵佢學lu~

但我無放棄過彈電吉他, 其中原因係曾經係一個p2p既續傳軟件kaza到
download過既一段香港人自拍彈既電吉他solo, 深深俾我感受到電吉他既威力
當時沒有youtube年代, 所有野都係無啦啦出現,
就開始再周圍搵電吉他片來睇既狂熱,
包括 steve vai既「crossroad鬥吉他」, micheal angelo 既「speedkill」
當中既crossroad我重特登搵份譜來練, 自己開心咁練左幾個禮拜,
當然, 我只有既係一支鋼線吉他, 想像中電吉他既聲音令我十分?往。
又令我開始知道吉他既牌子「fender」「gibson」「Ibanez」
我感覺到電吉他魂正在萌芽。

未幾, 我老媽子見我無學一排但都重有玩
重係大陸探親既同時買左一支6舊水既不知名牌子電結他俾我~
但無買amp箱, 用ld機經喇叭出聲。
無幾耐重幫我係尖咀通利到報學電吉他,
我就接觸到我第二個正式阿sir - 陰聲sir (30-38歲到)
佢係一個我第一次覺得佢係一個好既吉他阿sir。
佢對吉他聲音表現既好注重,
第一, 佢鍾意自己聽音樂來扒譜
第二, 一定要搵到一樣聲為止(起碼自己覺得一樣先)
第三, beat一定要准先好彈, 要數beat
第四, 佢係beyond忠實fans.


所以我又再開始接觸beyond了, 唔同既係今次佢對beyond既尊重同認真
都令我知道beyond的歌曲編排,吉他配合都係超水準~
「灰色軌跡」「再現理想」「亞拉伯跳舞女郎」等
原素豐富得來, solo更令人一聽難忘。
我跟左陰聲sir之後, 佢都介紹左唔小野俾我認識
例如:Eagle 既 hotal california 電結他版
我都俾佢昆過唔小堂數架, 成首咁教~
最有價值係明白如何運用 hammar ,pull off, slide, bend ,tap
認識學習 major ,minor scale 同 blues。
最後因為我覺得太貴, 同我覺得要開始自學啦~

過後一兩年都有自己不停搵歌來練同玩,
中五之後無得讀, 就出左來讀職訓局。
o係入面認識到一個一樣有玩電吉他既朋友--金毛
我去佢屋企同佢一齊第一次試下夾歌既感覺,
同埋~佢都係玩beyond既. 無錯, 香港仔玩band唔玩beyond可以玩咩~?


佢教我用effector , 我第一次用有distortion既電吉他彈「真的愛你」
真係一試難忘, 其實佢以前都一直有玩band。
不過佢係一個鼓手, 因為佢d朋友都無玩而轉做吉他手。
我就正式暫時加入左佢隊樂隊做background 掃chord精靈。
佢鍾意同擁有自己作既歌,寫詞。
我地都分享左好多自己鍾意既歌俾對方認識~
我就正式開始有左夾band既生活。

出來做野之後, 我地有繼續聯絡同一齊jam 野
雖然只係有我地兩個既band, 但係我地都好鍾意同keep住玩~
直到公司又搵左一個職訓局既朋友仔來打鼓。


佢好鍾意玩打鼓機, 所以好有興趣加入我地。
金毛又另外搵左佢兩個同學來, 做第3吉他手同主音,
我地就正式夾錢o係工業區租一個大廈band房來夾band。
最初都會雄心勃勃咁熟練定幾首歌來作表演之用,
p.s. (我同金毛重有另一個組員曾經參加過一次通利原音2007--歌曲:每一次想你~)


當然地入唔到決賽
雖然每個禮拜都只係夾得一,兩次,
但我地都盡情每一次既夾band時間~
其他時間都變作hea用~
最後因為發現除左我同金毛之外, 其他人都係玩玩下
過左一年之後就散band~
雖然我地都重係同隊, 但就變成了各自修行~

我o係band房既時候就鍾意創作一d只有我自己玩既吉他獨奏歌~
而「蒼影」就係o個個時候所作, 離現在已經有5年了~
我最初只係用手提電話既錄音來錄鋼線吉他, 背景咩聲都有。
現在我用支fender + iphone + irig插 + amplitube apps 來錄先有咁既效果!
其實我重有好多關於學吉他既趣事不能盡錄~
p.s.(只是一半到)
可能超越了你所設的上限1500字, 但說故事的時候想起從前既片斷,
仍是要多謝你給我分享既機會~

阿釘上

共 0 个关于 會員投稿:我彈吉他到已經有12年了(By 阿釘) ... 的回复

您需要登錄後才可以回帖 登錄 | 立即註冊

本版積分規則

看到了嗎?您的廣告將會在這裡無限次顯示,購買此處人流旺的廣告位,無限點擊。[廣告詳情...]
Details...
Loading...
快速回復 返回頂部 返回列表