我是結他手‧音樂論壇 - Powered by Discuz!
設為首頁收藏本站關於我們廣告查詢試試手氣搶沙發最新发表:

我是結他手‧音樂論壇

 找回密碼
 立即註冊

QQ登錄

只需一步,快速開始

快捷導航
0 2046

會員投稿:从2002年下半年,我开始接触吉他 (by Michael)

我学吉他的故事

从2002年下半年,我开始接触吉他,当时我刚好读高一。怀着对音乐、对吉他的热爱,即使家人反对(因为距地怕我唔专心读书),我拿住两百蚊去天河购书中心负一层既卓越琴行(唔记得以前系米都系卓越)买左把星辰。(抱歉,我唔系HK人,我系广州人,舅父一家就搬左过九龙)。开始我吉他的生涯。


  其实我都好懒,亦好笨,我读书理科比较好,但系感性既野就有D难理解,其实都唔系天生问题,系我从来未真正接触过音乐,几乎系zero。一本《吉他自学三月通》通睇一次,都唔知点落手,呵呵,够笨挂?后来慢慢练半音阶,其实都系系不知不觉中手指灵活起身,根本无目的话要练到咩程度。然后就练书附录既歌,中记得第一首系练《白桦林》,可能之前唔知练咩,全部时间练爬格仔,所以练和弦觉得都OK,但系问题又来了,就系乐理。拍子当时可以话系唔明,纯粹自学,就对住原版歌曲慢慢琢磨,最后就直接线越密,就系越快甘弹。(呵呵。。。)从接触吉他到学会勉强弹一D简单既歌,哩段时间大概花左我成年时间。


   后来高二下学期,亦开始高考了。(你知啦,大陆哩边高考好BT)。爸妈又叫我比心机读书,所以直到高考,我都基本无乜点专心去练琴,只系有时练练手,避免肌能丧失。


   高考后我考入一所理工类大学,好庆幸我地班有两个同学都系玩吉他,虽然水平都系同我差唔多,不过有朋友一齐玩就进步快好多,所以当时我同其中一个(系个肥仔)去学电吉他,当时我妈偷偷地比左千六蚊我买左第一把吉他同音箱效果器(其他唔够我出钱)。第一次跟老师学吉他,我有D紧张,唔知点样学,个老师讲乜我就练乜(呵呵,后来发现我无用脑,得个盲目甘练)。学左一个学期就算入门(个老师就话我地算学得快了),无钱,所以我就唔跟老师了。之后我地三个就经常系宿舍玩(另外果个无学电吉他就做BASS手)。到左大二,因为我成绩勉强可以,就申请读双学位,一个星期从星期1到星期7都要上课,当然都有时间玩既(逃课啦嘛,哈哈)。


一次偶然机会我认识左一个星海既鼓手,距话想组乐队,所以我地亦有三个人,够晒。跟住就系开始乐队生涯了,不过好可惜,一边我要上双学位,好少时间。乐队慢慢就甘被我拖垮,基本都未有过咩活动,哎,我惭愧。之后我就基本系退出,乐队解散。我地三个又自己得闲系宿舍玩。就甘样,大学中前两年就系起伏中度过,后两年就系学习中度过。


   我所用过的设备好少,自己最好既琴都系墨芬,最好既效果器都系XT,音箱就得芬达同烂泥既小功率练习音箱。不过哩D后来毕业前全部卖晒(因为当时用钱好大,自己都快出来社会做野了,又唔想问屋企拿,所以就卖了)就留翻把IBZ电箱。


   参加工作到宜家都快有一年了,工作后我收左把JR来玩玩,用电脑玩GTR哩类,呵呵,技术依然一般般,得个玩咯。不过我哩世基本都离开唔到吉他了,无左吉他真系唔掂。


    其实我都好多谢论坛比哩个机会我写下文章既,我睇左其他题目,对HK真系唔系好熟,所以得两三个可以写。希望可以加入啦。字数我都未统计过够唔够,不过都系用心来讲咯。最后,thx啦!


(by Michael)

-------------------------------------

共 0 个关于 會員投稿:从2002年下半年,我开始接触吉他 (by Michael ... 的回复

您需要登錄後才可以回帖 登錄 | 立即註冊

本版積分規則

看到了嗎?您的廣告將會在這裡無限次顯示,購買此處人流旺的廣告位,無限點擊。[廣告詳情...]
Details...
Loading...
快速回復 返回頂部 返回列表